महान भारतीय संस्कृतीद्वारा जनजागृती
आणि आदर्श हिंदू जीवनपध्दती

तरुण, तरुणी, विद्यार्थी, गृहिणी, व्यावसायिक, नोकरदार,
कारखानदार तसेच ज्येष्ठ नागरिक यांना अत्यंत उपयुक्त..

नमस्कार,

आजच्या धावपळीच्या जीवनामध्ये, आपले शारीरिक आणि मानसिक स्वास्थ्य संतुलित राखणे, अत्यंत आवश्यक बनले आहे. यासाठी आपण सदैव हसतमुख, उत्साही आणि कार्यतत्पर राहणे आवश्यक आहे. यासाठी, आपण आपली दिनचर्या योग्य राखणे आवश्यक आहे. योग्य आहार, प्राणायाम, योगासने, ध्यान याद्वारे आपण, आपले जीवन नक्कीच समृद्ध करू शकतो. या सर्व गोष्टींच्या प्रभावी मार्गदर्शनासाठी "आत्मदर्शन शिबीर",  आयोजित केले जाते. 

या शिबिरासंबंधी माहिती या संकेतस्थळावर दिली आहे. तसेच पूर्वी ज्यांनी "आत्मदर्शन शिबीर" केले आहे, त्या साधकांचे अनुभव दिले आहेत. ते पाहून आणि माहिती वाचून आपला प्रवेश आपण आजच निश्चित करावा... अधिक माहितीसाठी, स्वयंसेवकांशी संपर्क करावा.

आत्मदर्शन शिबीर हे सुयोग्य रीतीने नियोजित, सर्वांगीण व्यक्तिमत्त्व विकासासाठी उपयुक्त असे शिबीर आहे. या शिबिरामुळे शारीरिक, मानसिक आणि आध्यात्मिक प्रगती होऊन, जीवन आनंदमय होते.

या शिबिरात, विविध व्यायाम, संतुलित आहार, योगासने, प्राणायाम, ध्यानधारणा, खेळ आणि भारतीय गुरुपरंपरेतील मौलिक ज्ञान हसत-खेळत व अनुभवातून दिले जाते. यातून, स्वतःची प्रगती स्वतःच कशी साधावी याची गुरुकिल्ली मिळते आणि प्रत्येकामध्ये परमेश्वर पाहण्याची दृष्टी मिळते.

आत्मदर्शन शिबीर हे बारा (१२) दिवसांचे असते.  

• पहिले नऊ दिवस शिबीर फक्त सकाळी ६.०० ते ८.३० पर्यंतच असते.  

• शेवटचे तीन दिवस (शुक्र,शनी, व रविवार) निसर्ग सहल असते, ज्यामध्ये उच्च अध्यात्मिक ज्ञान गुरु परंपरेतून दिले जाते.

हे शिबीर, सांगली, कोल्हापूर, इचलकरंजी, बेळगाव या ठिकाणी आयोजित केले जाते. इतर ठिकाणीही आवश्यकतेप्रमाणे आयोजित केले जाऊ शकते.   

आतापर्यंत २८० आत्मदर्शन शिबिरे झाली आहेत, आणि हजारो साधकांनी आपले जीवन आनंदी आणि उत्साही केले आहे. यामध्ये अनेक डॉक्टर्स, इंजिनिअर्स, शेतकरी, वकील, शिक्षक, प्रोफेसर्स, आर्किटेक्ट, तसेच, विद्यार्थी-विद्यार्थिनी, गृहिणी, नोकरदार, दुकानदार, व्यावसायिक यांनी शिबीर केले आहे. त्यातील काही साधकांच्या प्रतिक्रिया इथे दिल्या आहेत. 

या प्रतिक्रिया पाहून, आपणांसही हे शिबीर करण्याची प्रेरणा नक्की मिळेल. या शिबिरातील प्रवेश म्हणजे, आपले जीवन सदैव आनंदी करण्यासाठीचे एक महत्त्वाचे पाऊल असेल..

अनुभव वाचण्यासाठी इथे क्लिक करा.