शिबिरार्थींचे अनुभव 

ओम गुरुदेव..

नाव - दीपक कुंभार, मार्केट यार्ड, सांगली. व्यवसाय.

शिबिर क्रमांक -२७५

१.  शिबिर  केल्यापासून नियमित योगासने , व्यायाम होतो. 

२.  दिवसाचा आहाराचे प्लॅनिंग बनलेले आहे. सात्विक आहार घेण्याची सवय लागली. 

३.  शरीराचे वजन नियंत्रित होऊन पाच किलो वजन घटले. 

४.  शिबिर केल्यापासून ध्यान धरणेमुळे मानसिक स्वास्थ व बौद्धिक स्वास्थ सुधारले आहे.

५.  कुटुंब व मित्रपरिवार यामध्ये आनंदाचे वातावरण आहे. 

६.  नियमित मंत्रोच्चार करण्याची सवय लागली. 

७.  सतत आनंदी आणि आनंद स्वरूप कसे रहावे हे कळाले. 

८.  अध्यात्मा विषयी आवड निर्माण झाली. 

९.  शंभर वर्ष आयुष्य निरोगी कशी जगावे ही कला अवगत झाली.

१०.  शारीरिक, मानसिक, बौद्धिक स्वास्थ आणि कौटुंबिक स्वास्थ्य, आणि अध्यात्मिक प्रगती झालेली आहे.

११.  गुरुतत्त्वाचे पालन केल्यामुळे आयुष्यात नक्की यशस्वी होऊ हा आत्मविश्वास जागृत झाला.

आत्मदर्शन शिबिरामुळे एक नवीन मित्र परिवार भेटलेला आहे. शिबिरा दरम्यान गुरुजींनी दिलेले ज्ञान हे सर्व ज्ञानापेक्षा श्रेष्ठ आहे. गुरुजी व गुरुचरणी कायमसेवा घडत राहो ही प्रार्थना..

धन्यवाद .. ओम गुरुदेव🙏

🙏🏻 मी विजय बापू पोतदार, राहणार कसबा बावडा, कोल्हापूर. मी २५४ वे शिबीर व शांतीपर्व केले आहे. 

योग आल्या शिवाय कोणतेही कार्य घडत नाही. नोकरीतून निवृत्त झालेनंतर आमचे जावई अविनाश मुखरे व आमचे निवृत्त पोलीस सोसायटी चे माजी अध्यक्ष कै. श्री चव्हाण साहेब यांचे मुळे आत्मदर्शन शिबीर करण्याचा योग आला. 

शिबीर करायला उशीर झाले मुळे मनाला खंत वाटते. 

शिबीर केल्या मुळे व्यायाम, टोनींग, योगा, प्राणायाम शिकलो सध्या हे सगळी कडे शिकायला मिळतेच पण जे गुरुदेव आपल्या नेहमीच्या वागण्यात बोलण्यात बदल घडवून आणतात ते आपले खरे गुरुदेव होय. 

शिबीर केल्या नंतर बरेच समज-गैरसमज दूर झाले. वर्णन करणे करिता शब्दाचे भांडार कमी पडते. आमचे गुरुदेव असे आहेत की हसत मुखाने सर्व साधकांचे नमस्कार करुन स्वागत करतात. दर गुरुवारी आत्मदर्शन देवालयात सत्संग असतो, खूप साधू संत सन्याशी विद्वान डॉक्टर गायक यांचे प्रवचन रूपात मार्गदर्शन मिळते. मी जास्ती जास्त सत्संगाला हजर राहण्याचा प्रयत्न करतो. 

थोडक्यात शिबीरा मुळे माझ्या मध्ये अमूलाग्र बदल झाला आहे. 

शिबिराचा लाभ सर्व लोकांनी घ्यावा मिळावा आणि शिबीर करावे विनंती करून येथेच थांबतो. 

गुरुविना कोण दाखवील वाट? 

आपला गुरुबंधू साधक, 

विजय पोतदार, कोल्हापूर. 

ओम गुरुदेव 

ॐ गुरुदेव.. सर्वांना नमस्कार.. 

माझे नाव रोहन जोतिराम पाटील, रा. भुयेवाडी, तालुका करवीर, जिल्हा कोल्हापूर. 

आत्मदर्शन शिबीर मध्ये यायच्या आधी मी राक्षसी वृत्तीचा होतो. सतत शिव्या तोंडात. सहज बोलताना देखील तोंडात शिव्या यायच्या. सतत मांसाहार असायचा. सतत घमेंडी, जणू काही मी म्हणजे छत्रपतीच. मी म्हणेन तेच खरे असा माझा स्वभाव होता. मी कोणालाही समजून घेत नव्हतो.

पण आत्मदर्शन शिबीर केल्यापासून माझ्यात खूप मोठा बदल झाला. 

१. माझ्या शिव्या पूर्ण पणे बंद झाल्या. 

२. मांसाहार पूर्णपणे बंद केला आहे. 

३. शिबीर केले पासून आपल्या इंद्रियांवर नियंत्रण आले आहे. 

४. योगा, प्राणायम, ह्यामुळे माझे 7 किलो वजन कमी झाले आहे.

असे भरपूर बदल झाले आहेत. आणखीन महत्वाची गोष्ट म्हणजे माझ्या आयुष्याला एक अनमोल कलाटणी देणारा मला गुरु मिळाला आहे.
पुन्हा सर्वांना नमस्कार.. ॐ गुरुदेव..

ओम गुरुदेव..

मी मकरंद पतंगे, सांगली.  २७८  आत्मदर्शन शिबिराचा साधक. 

मी शिबिरात सहभागी होण्यापूर्वी मला फार राग येत होता. विनाकारण चिडचिड होत होती. निरुत्साही झालो होतो. नकारात्मक विचार घोळत होते. माझे वजन वाढले होते. मी कौटुंबिक कार्यक्रमात फारसा सहभागी होत नव्हतो. 

शिबिरात सहभागनंतर माझी life style पूर्णपणे बदलून गेली.

१. सकाळी साडे चार वाजता उठून थंड पाण्याने अंघोळीनंतर योगासने व प्राणायाम करतो. त्यानंतर इतर व्यायाम व फिरणे होते. 

२. आता माझे वजन 10 ते 12 किलो कमी झाले आहे. 

३. चिडचिडपणा पूर्णपणे बंद झाला आहे. राग येत नाही. 

४. सर्व कौटुंबिक कार्यक्रमाना प्राधान्य देत, सहभागी होतो. माझ्यात झालेला बदल पाहून घरातले सर्वजण आनंदित झाले आहेत. माझ्या मित्रांना देखील माझ्यात बदल जाणवतो आहे. 

५. व्यवसायात सुद्धा खूप फायदा झालेला आहे. 

६. शिबिरानंतर सामाजिक कार्यक्रमात सहभाग वाढला आहे. 

७. आत्मदर्शन ग्रुप हे माझे कुटुंबच झाले आहे. 

शिबिरामुळे आयुष्यात नवचैतन्य आले आहे. आयुष्याची इंनिंग पुन्हा नव्याने सुरु झाली आहे.

धन्यवाद. ओम गुरुदेव.

ओम गुरुदेव...

मी सुरेखा कर्नाळे, सांगली,  शिबिर क्रमांक - २७८

शिबिर सुरू केल्यापासून,

१. मी रोज योगा व प्राणायाम करते.

२. शिबिरामुळे सात्विक आहार घेण्याची सवय लागली. 

३. शिबिरामुळे माझे पाच किलो वजन कमी झाले. 

४. शिबिर सुरू केल्यापासून माझे पाय व पाठ दुखी कमी झाली. 

५. शिबिर सुरू केल्यापासून प्रत्येक कामात उत्साह वाढला आहे. 

६. योगा सुरू केल्यापासून पित्ताचा त्रासही कमी झाला. 

७. शिबिरापासून रोज व्यायाम व प्राणायाम करण्याची सवय लागली आहे. व रोज सकाळी फिरण्याची सवय लागली आहे.

८. कौटुंबिक वातावरणात प्रसन्न वाटते.

९.आत्मदर्शन ग्रुप हे माझे कुटुंब झाले आहे. 

शिबिरामुळे आयुष्यात चैतन्य निर्माण झाले आहे. 

ओम गुरुदेव...

नाव-अनिल फिरमे, गडमुडशिंगी, कोल्हापूर. व्यवसाय. 

मी शिबिर क्रमांक २७७ पूर्ण केले.  

१. मला लवकर उठण्याची सवय लागली. 

२. माझा चहा बंद झाला. 

३. घरात वातावरण मनमोकळे आहे. 

४. शिबिरामुळे मला चांगला अनुभव आला. 

ओम गुरुदेव ..

नांव:- प्रसाद श्रीकांत देशपांडे, सांगली.  व्यवसाय:- वकील (Tax Consultant)

शिबीर क्रमांक:- २६० 

अडचणीत असलेला मनुष्य धाव घेतो तो देवाकडे. मी ही काही वेगळा नाही. काही घरगुती कारणांमुळे मी मेंटली फार डिस्टर्ब होतो. तेव्हा देवाला वारंवार 'हे दुःख मलाच का?' विचारून हैराण करायचो. जसं सैरभैर झालेलं वासरू गाईचा हंबरडा ऐकून तिच्याजवळ जाते आणि एकदम शांत होते.तसेच माझे दुःख बघून जणू देव गुरुदेवांच्या रूपात माझ्या आयुष्यात आला.

आईमुळे अध्यात्माची आवड मला पहिल्यापासूनच लागली होती आणि ती वाढली गुरुदेवांमुळे. माझा कॉलेजचा मित्र मिलिंद कोष्टी याने मला "आत्मदर्शन" शिबिराचा मार्ग दाखवला. शिबिरामुळे गुरुदेव माझ्या आयुष्यात आले आणि त्यांनी माझे आयुष्यच बदलून टाकले. 

 शिबिर केल्यानंतर मी मेंटली खूप स्टेबल आणि शांत झालो. प्रत्येक गोष्टीकडे पाहण्याचा दृष्टिकोन बदलला. आता कामही खूप आत्मविश्वासाने होते आणि नवीन काम घेण्याची भीती वाटत नाही. प्रत्येक कामाचे व्यवस्थित नियोजन करता येते आणि काम वेळेत पूर्णही होते. पूर्वीपेक्षा जास्त उत्साही वाटू लागले. कशाय आणि सात्विक आहारामुळे आरोग्यही सुधारले.

ओम गुरुदेव..

नाव - सौ. स्वरूपा दादासो पाटील, सांगली  व्यवसाय - कलाशिक्षिका 🎨

शिबिर क्रमांक - २७८ 

२१ वर्षापूर्वी मी हे आत्मदर्शन शिबिर केलं होत तेव्हापासून आजपर्यंत गुरुजींनी दिलेल्या ज्ञानामृतावर प्रवास चालू आहे. वयाच्या ३० व्या वर्षी गुरुजींनी  स्वतःकडे पाहण्याची कला वेगळ्या पद्धतीने शिबिरात दाखवून दिली व आत्मविश्वास वाढला. 

फक्त गुरुजींनी दिलेल्या प्रेरणेमुळे जीवनाकडे पाहण्याचा दृष्टिकोन बदलला व तोच टर्निंग पॉईंट ठरला.  शून्यातून विश्व निर्माण केले time मानजमेंट ⏰ कसे करायचे ते गुरुजीं कडून शिकावे आणि हे फक्त आणि फक्त शिबिरामध्येच शक्य आहे. म्हणूनच पुन्हा एकदा २७८ व्या शिबिरामध्ये येण्याची संधी  पुन्हा मिळाली आणि आम्ही ती गमावली नाही. परत आम्ही दोघांनी शिबिर जॉईन केले. आणि स्वतः ला remind केलेआणि त्याचा फायदा इथून पुढे होणारच आहे . योग🧎🏼‍♀️प्राणायाम व सात्विक 🍎🍇🍋‍🟩🍋🌽🥕🧅🥒🍅🫚🌿 आहाराची सवय यामुळे आमचे जीवन निरोगी व समृद्ध 🥰 होणारच आहे. यात शंका नाही. हे शीबीर म्हणजे कुटुंबच घरच 🏠 आहे.नवीन माणसे जोडली गेली. समोरील माणसांमध्ये देव 🙏🏽पाहाण्याची शिकवण गुरुजींनी दिली. त्याचा सर्व ठिकाणी नक्कीच फायदा होतो. आरोग्याच्या बाबतीत बोलायचं तर ☕ चहा कायमचा सुटला व पित्ताचा त्रास गायब झाला. उत्साह दिवसभर टिकून राहतो कंटाळा येत नाही .

आमच्यासारखाच फायदा प्रत्येक माणसाला मिळू दे व त्यांना शिबिरात येण्याची सद्बुद्धी  देवो हीच इश्वरचरणी प्रार्थना.

कोणत्याही गोष्टीची अपेक्षा न ठेवता जे गुरुजींनी आम्हाला  जे दिले ते आम्ही कधीच विसरणार नाही. ऋणी राहू. 

याचं श्रेय फक्त आणि फक्त गुरुजींनाच.. 

🕉️ गुरुदेव🙏🏽🙏🏽💐

ओम गुरुदेव 🕉️

मी सौ. मनिषा तुषार पोतदार , सांगली. २७५ शिबिर साधक 

आत्मदर्शन नावाप्रमाणे मला स्वतःचे आत्मदर्शन झाले.. मी कोण आहे हे मला समजले.. खूप छान अनुभव आला... खरच धन्यवाद गुरुजी..

मला आलेले अनुभव

१. शिबिरापूर्वी मी खूप आळशी होते.. आता मी सर्व कामे वेळेत आणि अगदी मनापासून करते.

२. योग प्राणायाम ध्यान या सर्वांच महत्व समजले..

३. मी दररोज न चुकता योग प्राणायाम करते... आणि ४५ मिनिटे चालायला जाते.

४. माझा पूर्ण दिवस आनंदी राहतो... कंटाळा येत नाही.

५. बाहेरच खाणे पूर्ण बंद झालं.. घरीच वेळेवर सात्विक आहार घेते..

६. चिडचिड पूर्ण बंद झाली... शांत व समाधानी राहते.

७. घरी आनंदी वातावरण तयार झाले.

८. नेहमी उत्साही असते. 

आयुष्यभर आम्ही हे शिबिर विसरू शकणार नाही.. असेच निरोगी राहून आनंदात जीवन जगू...

ओम गुरुदेव🕉️